రచన : శర్మ జీ ఎస్
" బ్రహ్మ "
( పుట్టుట)
సరస్వతీ బ్రహ్మలే ప్రతి సృష్టికీ మూలకారకులట ,
ఆ యిరువురూ భార్యాభర్తలట ,
సృష్టికి ఈ యిరువురూ అవసరమేనట ,
ఆలు మగలు అపుడపుడు స్థానాలు మారినా ,
తప్పు కాదట , తప్పు లేదట ,
ఒకరి మాట ఒకరు మాత్రం ,
తప్పక వినుకోవాలట ,
వీళ్ళ మాటలు మరెవ్వరూ వినకూడదట ,
సందర్భానుసారంగా సలహాలివ్వవలెనట ,
సమయానుకూలంగా మసులుకోవాలట .
*******
" విష్ణువు "
( పెరుగుట )
ఈ ప్రపంచ పోషణకారులు ,
శ్రీ లక్ష్మీ విష్ణు మూర్తులట ,
వారిరువురూ భార్యా భర్తలట ,
ఆ యిరువురూ లేనిదే ,
ఈ ప్రపంచమే ముందుకు సాగదట ,
మన మానవ మనుగడకి ,
అలాంటి ఆలుమగలే పోషణకారులట ,
ఎంత ధనానికి అధిపతి అయినా ,
భార్య మాత్రం భర్తను ,
సేవించుకుంటూనే వుండాలట .
*******
" మహేశ్వరుడు "
( గిట్టుట )
అర్ధాంగికి అర్ధ భాగమిచ్చాడని ,
అర్ధనారీశ్వరుడన్నారట ,
అందఱినీ తన పిల్లలుగా చూస్తారట ,
ఆనందమైన దాంపత్యానికి ప్రతీకలట
అవసరమైనపుడు సర్దుకుపోవాలట ,
తమకెంతటి శక్తి సామర్ధ్యాలున్నా ,
దుష్ట సంహారానికి ,
సహవాసులను కూడా ,
భాగస్వాములను చేయాలట ,
అటువంటి ,
ఆ ఆది దంపతులే మనకు ,
ఆదర్శమూర్తులయ్యారు ,
ఆ ఆది దంపతులే
పార్వతీ పరమేశ్వరులట ,
ఆనందమైన దాంపత్యానికి ప్రతీకలట ,
ఈ చరాచర జగత్తుకు మూలపురుషులట .
*******
చిన్న మనవి : వీళ్ళందరిని మన జీవన మనుగడకు ఆదర్శంగా తీసుకొనాలి . అపుడే మనం చేసే పూజలకు అర్ధం , లేకుంటే అన్నీ అనర్ధాలే స్వార్ధపరత్వంతో .
*****
ఈ సంచికలోని ఇతర రచనలు
No comments:
Post a Comment